Cerita time budak2...

DULU2...

- Pokok? Kalo naik pokok kayu, especially kelapa laa kan...paduli laa tinggi mcm KLCC pun macam teda jak tuu…sampai di atas, ko buli manari lagii…kdg2 sepa2 saja yg bapa dia kan manabas Bahar…tatap rilek jak bapa dia tu sebaba ada anak yg opinit…hahaha…

- Lastik burung? Susah hati butul tu burung bila tenampak ko pigi utan, sebab kompom laa ada saja burung kana baa..ada saja mangsa ko...bagus kalo ko pakai binulugu saja bikin pirulu…gundol bo…

- Main gitar? Masih tapuk2 lagi sebab takut kana marah oleh abang...kadang2 tunggu dulu si kawan tidur baru kita barani p ambik gitar baru...treenggg...

- Permainan? Banyak jenis yg kita balajar...men Mona-Moni laa, men Mama2 laa, men kawin2 laa...men masak2 laa (ini 4 jenis permainan yg paling sandii nie)- kalo yg lelaki atau dua2 jantina punya mainan, men rondes laa...men jijit laa...men tapuk2 laa, men police and thief laa...konda kondi laa...men galah laa…men anak ayam laa…tapi yg sy x buli lupaa nie...men timbak2 laa..sampai sanggup buat rumah lagii di tangah2 utan ramai2...ko gilaa...sandii dia punya fanatik...hahahaha..


SEKARANG...

- Pokok? Kalo bukan sampai tengah pokok jak dia sanggup naik, tatap buat macam2 alasan x mo kana suruh naik…

- Lastik burung? Susah hati butul ko bila nampak burung…bukan burung yg lain2 ahhh…(hehe)…takut kana patuk laaa…takut kana balas dandam perbuatan ko masa kicik2 dulu kenen…

- Main gitar? Koleksi sampai 20 pun adaa baa kalo ko mau…sampai abg ko yg dulu ko tapuk2 lagi pinjam gitar dia tu kan surrender sama ko baa…lagii sampion ko main dari diaa…naaa, baru kamu tau…

- Permainan? Tukar sudaaa lorrr…dulu dulu Konda Kondii, sekarang main snooker…nda pun men golf…macam2 laa…tapi kalo ada yg masih mo buat rumah di atas pokok kaa di tangah2 utan kaa, mimang kompom GILA…saja jak baaitu kasi ingat2 kamu balik…