Sunday, November 30, 2008

KAROLING.....

Bermulalah kembali situasi2 seperti di bawah:

1. MASALAH JALAN – Besanya, kalo jln di sawah, atau di tempat2 yg licin, becak, atau berlumpur, mmg ada yg kontrol ayu laa tu kan, paham2 laa yg sumandak2 mana mo jatuh di dapan tanganak wagu gia kan…manatau ada bf derang di sana…yg lelaki pula kontrol macho laaa...tapi yg lucu dia nie…bila kotompisal...naaa, barabis laa kamu kuntrul baa....hahahahaha….punya men lucu…bikin panas…tuu saja yg kita mo tahan tuu keadaan cuaca yg kdg2 hujan, kdg2 ribut taufan laa..(palis2)…baaa, mana kita tau…

2. ANJING - Anjing2 menyalak, ada yg kana kajar, kana gigit, perempuan2 atau budak berteriak2an takut…dan mcm biasa laa, lelaki akan jadi hero, tapi…sakali kana gigit anu diurang...naaa, pandai juga kaver baaa...hahahahaha…!!

3. DATING - Peluang utk berdating, berdua2an akan lebih terbuka luas, bukan urg mo larang berkawan2 baa, tapi tulung laa….demi menjaga nama baik kumpulan Karolers kamurg, jangan sering berkepit2, berdua2an di tempat gelap…di sorut2 lagii tuu…mcm yg tidak tahan sudaa tu nafsu…sbenarnya sy tdk mo komen lebih2 ni benda sebab kami pun pernah mengalami juga baa, om oleh sebab kami pernah mengalami laa baa ni kami mo kestau kamurang…ada juga yg baik ada juga yg tidak berapa baik utk dilihat laaa baa ni kalo tidak terkawal, tpi jgn saja sy yg nampak...mimang sy lumpakis tu idung dua2 tuh...kicik2 sudaa pandai ber...eeeee…jan kamaa….

4. TAPAU - O...tatap!! Budak2 punya keminatan nie...kalo bukan bawa beg, bawa plastik, atau paling tidak pun pakai seluar poket yg basaaaar....kdg2 barabut baa….hehehehe....sy mengaku juga yg sy pernah menapau dari rumah urg laa, tapi bezanya ini kan tuan rumah yg suruh sy tapau...bukan sy yg mo curi2 tapau....perlu diakui juga, mimang sy tau tuu…ada juga di kalangan kita yg talampau memilih rumah keluarga yg kaya2 dulu baru mo ikut p Karoling…’oh…ni ari tampat c anuu…dia tu tokey kadai, misti ada banyak makanan…kunun’…alalala…kalo kamu ada perasaan begini…mmg ketara laa baa kamu ni pok makan…insaflah…!

5. KOIR - Besaa laaa, kdg2 bagus, kdg2 ikut mood, ada juga yg takut mo nyanyi 2nd atau 3rd voice, takut KUYAK laa kunu...ada juga yg talampau mo berhati2, takut tiba2 sora terkucil...pitching lari dalam guni...tapi, kmu mo tau, biasanya budak2 buli bikin happening juga ni koir, tapi dlm masa yg sama budak2 juga buli kasi SOY (ni perkataan yg jajal2 ni sy dapat dari kwn..) tu budak2 kasi soy tu koir sebab talampau banyak main2....kdg2 ada satu lagii benda yg ketara kalo sudaa besa nampak tu muka2 yg sama setiap tahun, itu stail nyanyian kan saaaaaaaammma saja setiap kali Karoling…paling2 pun kord gitar saja yg berubah, itupun kalo pemain gitar dia tidak pandai pencen2 sampai skrg…(eh…cam kanal jak ni urg nie..)..sampai buli afal sudaaa baitu keluarga2 yg dilawati dia punya stail nyanyian…sudaa tuu, kdg2 tidak serius dan tidak menghayati setiap bait2 lagu yg diurg nyanyi…adehh….ntah laaa…lagii bikin panass kalo ada yg sengaja mo nyanyi sumbang, sudaa laa koir sumbang…kana kasi sumbang lagii…ni lagii satu nie…yg suka kasi katawa kawan kalo tu kwn salah nyanyi…sy suruh nyanyi satu urg di dapan baru tau…eee…kasasabak…!

6. DOA - Haaa...ini yg menjadi masalah kita punya anak2 muda sekarang, taaaakut butul mo kana suru pimpin sambayang, padahal diurg tidak tau pun lagi bagus dan diberkati sebenarnya kalo selalu Tuhan dingar kita berdoa, selalu dengar sora kita, mcm Dia ni akan lebih rapat sama kitaa baaaa.....naa, pikir2 laa...Bapa Kami kaa, Kemuliaan pun susah kaa...aiyaa...bagus ko putung saja lo**k ko sana….bukan lelaki saja tau, perempuan pun apa kurangnya, buli2 derang bilang sy minggu dapan laa…kalo ko mati minggu nie, ko yg kana kasi doa tuu…(Palis2 lagii…)

7. MUZIK - Aahh...ni pun ada juga masalah nie kdg2, kalo teda pemain music langsung, tu koir pun bole jadi kucar-kacir tau...macam mati pula tu KOIR….tapi lagi teruk kalo pemain music dia AYAM MATI.....hehehe…adaa kaa yg terasaa??Ahhh…sy pun dulu gitu juak baa…hehehe…

8. PAKAIAN - Naaa, kamu paham2 laaa...kalo kamu kana suru pakai Black And White (ini yg kebiasaan laa baa urg pakai nie time Karoling kan)...jgn laa baa pakai baju yg amas2 kaa, yg adaa tengkurak2 baaa...trip samseng laa kunun….padahal kicik lo**k…kalo ada niat mo buat gini…kompom laaa SOT kamurg kalo gitu....

9. DISIPLIN – Nie pun kira cabang yg besar laa dari segi perbuatan2 terkutuk (aahh…telampau2 laa baa…) yg cuba dilakukan oleh para ahli karolers semasa berkaroling ke rumah2 urg…

MAIN2 – Ini kes yg sy paling x suka nie….Mmg ada juga masa urg mo main2 baa…tapi nda laa baa ngam kalo time2 yg begini ko mo main2 kan…kalo buli kasi serius2 sikit laa baa utk Tuhan…bukan juga ko mati tercekik kaa mati pucuk baitu kalo ko bagi peluang kpd diri ko sendiri utk berbicara (chewaa…alim ni) sama Tuhan….kan?
Mcm nie baa, style diurg mo main2 nie, lain ckit…taim2 urg sdg sembayang, dia kantut laa, tiba2 bunyi aduh, kana gigit samut laa…padahal teda2 baa…mcm2 lagii laa…ada lagii pula, kalo mewartakan Injil tuu, serius laa baa ckit…ini mo baca pun mo kana ajar kaa…len kali trus tolak saja kalo mmg x yakin…bikin malu diri sendiri sama bikin malu tu kumpulan sja….isshhh, kalo dii dakat2 sy ni urg sy blg…mimang mangampai baa…sy katuk pakai gitar…naa, baru kamu tau…eeeeeeeeeee!!!!!!!Bikinnnnn panaassssss….!!!

PEMIMPIN – Ni yg sy x berapa suka laa, kalo kamu pilih satu urg jadi pemimpin Karoling len kali, bagus kamu pilih yg okey2 baa…barulah kamurg x banyak problem…ini, sana laa juga tu ahli Karolers main2, sana laa juga c kawan ni mangahag yg main2 tadii…misabata nopo…kalo sy tau, mmg sy kasi gihil tohipoi dii b****ak dia…naaaa….apaa ko rasaa???Montoku??

JAM LANAT – Ini memang kita sedia maklum…mana2 yg ada Karoling, eh bukan Karoling sja laa…Rosari kaa…even dii Ibadat Sabda di Chapel kaaa, tatap2 saja mengalami masalah tidak punctual tu time…kan…jadi, tulung laaa set tu masa kamu sehari2 taim Karoling supaya urg x bilang ko ni teda jam di rumah….hahahaha…lagii sandii kalo drg bilang ko x kanal numbur….adaiii…
Baaaa…ok laa, sy rasa cukup sudaa utk ni arii…mana tau taun dapan buli lagii kita sambung kan….babai…Merry Christmas…!!